Rusiya və İran arasında hərtərəfli strateji tərəfdaşlıq sazişi ən azı növbəti 20 il ərzində müxtəlif sahələrdə ikitərəfli əməkdaşlığı müəyyən edəcək.
"Operativ Məlumat Mərkəzi-OMM" xəbər verir ki, İranın Moskvadakı səfiri Kazem Cəlali TASS-a müsahibəsində bildirib.
“Bu müqavilə İran və Rusiya arasında münasibətlər üçün hüquqi və konseptual əsas yaradır və ən azı növbəti iyirmi il üçün iki ölkə arasında bütün sahələrdə əməkdaşlığı müəyyən edir”,- deyə səfir qeyd edib.
İndiyədək iki ölkə İran İslam Respublikası ilə Rusiya Federasiyası arasında qarşılıqlı əlaqələr və əməkdaşlıq prinsipləri əsasında sazişdən istifadə edib. 10 illik müqavilə 2001-ci ildə imzalandıqdan sonra avtomatik olaraq sonrakı beş illik dövrlərə uzadılıb.
