Bazar günü humanitar yardım daşıyan ən azı 143 yük maşını "Rəfah" keçidindən Qəzza zolağına daxil olub.
"Operativ Məlumat Mərkəzi-OMM" xəbər verir ki, bu barədə İsrail Hökumətinin Fələstin Ərazilərində Fəaliyyətlərinin Koordinasiya Ofisinin X sosial şəbəkəsində paylaşım edilib.
Qeyd edilib ki, bu, Yaxın Şərq münaqişəsinin kəskinləşməsindən sonra anklavlara yardımın çatdırılmasına başlanandan bəri ən yüksək gündəlik rəqəmdir.
“Hərbi əməliyyatların başlanmasından sonra ən çox sayda yardım maşını yoxlanılaraq bu gün Qəzza zolağına göndərilib”.
Bunlardan 72 yük avtomobili ərzaq məhsulları (1,62 min ton), 11-i tibbi avadanlıq (137 ton), 22-si su (444 ton), 15-i müvəqqəti yerləşdirmə mərkəzlərinin işinin təşkili üçün zəruri olan əşyaları (220 ton) anklava çatdırıb.
