Böyük Britaniya kral ailəsindən ayrılaraq ABŞ-də məskunlaşan Şahzadə Harri və həyat yoldaşı Meqan Marklın ölkəyə qayıtmağı planlaşdırdığı iddia edilir.
“Operativ Məlumat Mərkəzi – OMM” xəbər verir ki, “BBC”nin əldə etdiyi məlumata görə, cütlük Londondan kənarda, kral ailəsinə məxsus olmayan şəxsi mülkdə yaşamaq niyyətindədir.
Harri və Meqan Marklın Böyük Britaniyaya mümkün qayıdışı ilə bağlı ilk məlumatlar “Daily Telegraph” və “The Sun” qəzetlərində yayılıb.
Cütlüyün qayıdış planları hələlik rəsmi şəkildə təsdiqlənməyib.
Bununla belə, mümkün qərarın Şahzadə Harri və Meqan Marklın kral ailəsi ilə münasibətlərinin normallaşması istiqamətində mühüm addım ola biləcəyi ehtimal edilir.
