İran hökuməti ABŞ Prezidenti Donald Trampın Tehranla danışıqlarla bağlı açıqlamalarına münasibət bildirib.
"Operativ Məlumat Mərkəzi-OMM"xəbər verir ki, İran hökumətinin sözçüsü Fatimə Mohacerani açıqlamasında ölkədə qərar qəbuletmə prosesində hər hansı problemin olmadığını qeyd edib.
O, Trampın sosial media paylaşımlarına istinad edərək, bu bəyanatların “çaşqınlıq yaratmaq və ictimai rəyi yönləndirmək” məqsədi daşıya biləcəyini bildirib.
Mohacerani vurğulayıb ki, İran daxilində qərarlar milli maraqlara əsaslanaraq müvafiq qurumlar vasitəsilə qəbul olunur və dövlət orqanları arasında koordinasiya mövcuddur.
Onun sözlərinə görə, prezident də Ali Milli Təhlükəsizlik Şurasının rəhbəri kimi bütün proseslərdən tam məlumatlıdır.
