"Ermənistan və Türkiyə arasında münasibətlərin normallaşması prosesindəki irəliləyiş Ermənistan və Azərbaycan arasında münasibətlərin normallaşması prosesinə kömək edəcək, ona yeni təkan verəcək".
"Operativ Məlumat Mərkəzi-OMM" xəbər verir ki, bu sözləri Ermənistan Milli Məclisinin sədr müavini Ruben Rubinyan deyib.
“Biz inanırıq ki, Ermənistanla Türkiyə arasında normallaşdırma prosesindəki irəliləyiş Ermənistanla Azərbaycan arasında münasibətlərin normallaşdırılması prosesinə yeni təkan verərək kömək edəcək”, - o qeyd edib.
Rubinyan Ermənistan-Azərbaycan sülh prosesindəki böyük irəliləyişi vurğulayıb: "Ümumiyyətlə, düşünürəm ki, proseslər müsbət istiqamətdə gedir. Artıq müəyyən nəticələr görürük və daha çoxunu görəcəyik".
