İsrail Baş naziri İrana qarşı birgə hərbi əməliyyatın zəruriliyini açıqlayıb.
“Operativ Məlumat Mərkəzi-OMM” xəbər verir ki, Benyamin Netanyahu "Fox News"a müsahibəsində bildirib ki, İrana qarşı İsrail-ABŞ birgə hərbi əməliyyatları vacibdir, çünki İran ABŞ-ni məhv etməyə çalışır və ballistik raket və nüvə silahı proqramları hazırlayır.
Netanyahu qeyd edib: “Bu rejimin məqsədi ABŞ-ni məhv etməkdir və bu, planetdə bunu açıq şəkildə bəyan edən və bu məqsədə çatmaq üçün hər cür səy göstərən yeganə ölkədir. İndi hərəkətə keçməli olmağımızın səbəbi, onların nüvə obyektlərinə və ballistik raket proqramına zərbə endirdikdən sonra onlardan dərs çıxarmaları gözlənilməli idi, amma bu baş vermədi… Onlar ballistik raket və nüvə bombası proqramlarını aylar ərzində toxunulmaz hala gətirmək üçün yeni obyektlər, yeni yerlər və yeraltı bunkerlər tikməyə başladılar”.
O əlavə edib ki, ABŞ ilə birgə əməliyyat başqa bir uzunmüddətli müharibəyə çevrilə bilməz: “Bu müharibə sonsuz olmayacaq. Bu, sürətli və qətiyyətli bir əməliyyat olacaq”.
