NATO ölkələri Alyansın baş katibi Yens Stoltenberqin Ukraynaya silah tədarükü üçün 100 milyard avroluq fond yaratmaq planına daha çox aydınlıq gətirməsini tələb edir.
"Operativ Məlumat Mərkəzi-OMM" xəbər verir ki, bu barədə “Politico” yazıb.
Sənəddə bildirilir ki, pərdə arxasında hətta Ukraynanın ən yaxın Şərqi Avropa tərəfdaşları belə, Stoltenberqin təşəbbüsündən ehtiyatlanır, belə böyük məbləğdə pulun haradan gələcəyi ilə maraqlanırlar.
Buna görə də Şərqi Avropa rəsmilərindən biri bildirib ki, NATO baş katibinin planı “bir az qarışıqdır” və Ukraynanın müttəfiqləri daha aydınlıq gözləyir.
