“Müxalifətin inqilabi proseslərdə nəticə əldə etməyəcək”

Gürcüstan müxalifətinin ölkədə “inqilabi proseslər” yaratmaq gücü yoxdur.

"Operativ Məlumat Mərkəzi-OMM" xəbər verir ki, bunu Gürcüstanın baş naziri İrakli Kobaxidze deyib.

“Müxalifət nə qədər inqilabi prosesləri başlatmağa, parlament binasına hücum etməyə və s. cəhd etsə də, heç bir nəticə əldə etməyəcək”, - baş nazir vurğulayıb.

Kobaxidzenin sözlərinə görə, Gürcüstan öz milli maraqlarını qorumaq niyyətini davam etdirir.

Sentyabrın sonunda hakim “Gürcü Arzusu – Demokratik Gürcüstan” partiyasının təsisçisi və fəxri prezidenti Bidzina İvanişvili deyib ki, düşmən xarici güclər və müxalifət “Gürcüstanı xəritədən silməyə” çalışırlar.

Onun sözlərinə görə, Gürcüstana “düşmən” olan qüvvələr “yerli agentlərin” köməyi ilə ölkəni xəritədən silmək niyyətindədir. Bu halda, 2008-ci ildəki münaqişə "əhəmiyyətsiz görünəcək",- deyə siyasətçi bildirib.