Milli Məclisin keçirilən plenar iclasında Bakı, Sumqayıt, Gəncə və digər bölgələrdə fəaliyyət göstərən məhkəmələrdə hakim vəzifələrinə təyinatlar və yerdəyişmələr həyata keçirilib.
Müzakirələrdən sonra səsverməyə çıxarılan qərara əsasən, aşağıdakı şəxslərin vəzifələri dəyişdirilərək Bakı Apellyasiya Məhkəməsinin hakimləri təyin ediliblər:
- Əliyeva Aytən Heydər qızı (Bakı Ağır Cinayətlər Məhkəməsinin hakimi)
- Hüseynov Telman Qulaməli oğlu (Bakı Ağır Cinayətlər Məhkəməsinin hakimi)
- Nuriyev Elnur Aləm oğlu (Bakı Ağır Cinayətlər Məhkəməsinin hakimi)
- İsmayılzadə Fərid Sabir oğlu (Şəki İnzibati Məhkəməsinin hakimi)
- Abdullayev Elşən Uğur oğlu (Şirvan Kommersiya Məhkəməsinin hakimi)
- Hüseynov Elməddin Mirpaşa oğlu (Nəsimi Rayon Məhkəməsinin hakimi)
- Qafarova Rəna Nazim qızı (Səbail Rayon Məhkəməsinin hakimi)
Həmçinin, Vahid Nəriman oğlu Sadıqov Bakı Apellyasiya Məhkəməsinin hakimi vəzifəsindən, Nural Turab oğlu Əliyev isə Gəncə Apellyasiya Məhkəməsinin hakimi vəzifəsindən azad ediliblər. Bilal Mahir oğlu Məmmədov isə Bakı Hərbi Məhkəməsinin hakimi vəzifəsindən Sumqayıt Apellyasiya Məhkəməsinin hakimi vəzifəsinə keçirilib.
Bundan başqa, Şəki Apellyasiya Məhkəməsinə Etibar Mustafa oğlu Mustafayev və Anar Əlifağa oğlu Əsgərov, Şirvan Apellyasiya Məhkəməsinə isə Fəxri Hümmət oğlu Hacızadə və Nicat Rauf oğlu Ağabəyov hakim təyin olunublar.
