İranın Yəzd şəhərində son iğtişaşların əsas iştirakçıları və təşkilatçıları hesab edilən 150-dən çox şəxs saxlanılıb.
"Operativ Məlumat Mərkəzi-OMM" xəbər verir ki, bu barədə İranın “Tasnim” xəbər agentliyi məlumat yayıb.
İran MAQATE-dən hücuma məruz qalmış nüvə obyektləri üçün xüsusi protokol tələb edir
Rəsmi Tehran bu şəxslərin etiraz aksiyalarını əlaqələndirdiyini və idarə etdiyini iddia edir.
Məlumata əsasən, saxlanılan şəxslərin İran hakimiyyəti tərəfindən "düşmən qruplar" kimi xarakterizə edilən müxtəlif təşkilatlarla əlaqəli olduğu bildirilir. Saxlanılanlar arasında aşağıdakı qrupların üzvləri var:
- Bəhai icmasının nümayəndələri;
- "Rey-Start" qrupunun tərəfdarları;
- "Taliban" ilə əlaqəsi olduğu iddia edilən şəxslər;
- "Iran International" kimi xaricdə fəaliyyət göstərən media qurumları ilə əməkdaşlıqda şübhəli bilinənlər.
Qeyd edək ki, "Human Rights Watch" təşkilatının hesabatlarına görə, Bəhailər İranda tanınmayan ən böyük qeyri-müsəlman dini azlıqdır. 1979-cu il inqilabından bəri bu icmanın üzvləri təhsil, məşğulluq və mülkiyyət hüquqları sahəsində mütəmadi məhdudiyyətlərlə və həbslərlə üzləşirlər.
Eyni zamanda, BMT-nin İnsan Hüquqları Şurası İranda dinc etirazçılara qarşı tətbiq edilən zorakılığı pisləyən qətnamə qəbul edib. Rəsmi Tehran isə bu ittihamları rədd edərək, Qərb dövlətlərini sanksiyalar vasitəsilə İran xalqına iqtisadi zərər vurmaqda günahlandırıb.
