Amerikalı iş adamı Elon Mask qalmaqallı maliyyəçi Ceffri Epşteynin işi üzrə ifadə verəcək şəxslərin vəkil xərclərini ödəməyə hazır olduğunu bəyan edib.
"Operativ Məlumat Mərkəzi-OMM" xəbər verir ki, milyarder bu barədə özünə məxsus olan "X" sosial şəbəkəsində paylaşım edib.
Hadisə bir istifadəçinin Epşteynin müştəri siyahısının niyə ABŞ Konqresinə təqdim edilməməsi və ictimaiyyətə açıqlanmaması ilə bağlı sualına reaksiya olaraq baş verib.
Həmin istifadəçi qeyd edib ki, siyahının açıqlanması hüquqi təqibdən qorxan mənbələrin təhlükəsizliyini təmin edə bilərdi.
Elon Mask bu fikrə cavab olaraq bildirib:
"Bu barədə həqiqəti söyləyən və buna görə məhkəməyə verilən hər kəsin müdafiə xərclərini mən ödəyəcəyəm".
