Qabriel Martinelli "Arsenal"dan "Atletiko Madrid"ə transfer oluna bilər.
"Operativ Məlumat Mərkəzi-OMM" xarici KİV-ə istinadən xəbər verir ki, menecerlər Xulian Alvaresin mümkün transferi ilə bağlı danışıqlarda Qabriel Martinellinin adını potensial barter komponenti kimi gündəmə gətiriblər.
Məlumata görə, braziliyalı cinah oyunçusu daha əvvəl “Atletiko Madrid”in maraq dairəsində olub və son 18 ay ərzində onun komandadan ayrılacağına dair iddialar mütəmadi olaraq mətbuatda yer alıb.
Martinellinin hazırkı klubu ilə müqaviləsi 2027-ci ilin iyununa qədər qüvvədədir.
Futbolçuya maraq göstərən klublar sırasında “Real Madrid” və “Fənərbaxça”nın da olduğu bildirilir.
Bu səbəbdən, Martinellinin adı Alvareslə bağlı mümkün razılaşmalarda strateji fiqur kimi ön plana çıxır.
