İngiltərənin "Liverpul" klubu İspaniya təmsilçisi "Valensiya"nın qapıçısı Georgi Mamardaşvilini transfer etməyə hazırlaşır.

"Operativ Məlumat Mərkəzi-OMM"-in xarici KİV-ə istinadən məlumatına görə, danışıqların davam etməsinə baxmayaraq yekun qərar hələlik verilməyib.

Premyer Liqa təmsilçisi gürcü qolkiperi 30 milyon avroya almaq və dərhal icarəyə verməyi planlaşdırır. Gürcüstan millisinin üzvü Almaniyada keçirilən AVRO-2024-dən sonra dünyanın ən bahalı qapıçılarından biri hesab olunur.

Qeyd edək ki, Avropa çempionatında Gürcüstan yığması 1/8 finalda İspaniyaya 1:4 hesabı ilə uduzub. G.Mamardaşvili yarışda keçirdikləri 4 oyunun hamısında əsas heyətdə olub və 29 seyvlə yadda qalıb. Bu da AVRO-2024-ün rekordu kimi tarixə düşüb.

Aleksey Kaşukun "Qarabağ"a transferi ilə bağlı maraqlı fakt üzə çıxıb.

"Operativ Məlumat Mərkəzi-OMM" xəbər verir ki, ukraynalı Ağdam klubuna Şahruddin Məhəmmədəliyevin vasitəsilə keçib.

Son olaraq “Şaxtyor”da (Donetsk) çıxış etmiş yarımmüdafiəçi avqustda “Adana Demirspor”dan geri dönmüş qapıçıyla əlaqə saxlayıb, “Qarabağ”la anlaşmaq istədiyini bildirib.

Dağıstanlı kiper də Qurban Qurbanovla danışıb, onların görüşünü təşkil edib.

Müqaviləsi bitdikdən sonra azad agent statusu daşıyan 24 yaşlı hücumameyilli yarımmüdafiəçi ilə beləcə, 3 illik sözləşmə imzalanıb.

Donetsk klubunun yetirməsi 2019-2022-ci illərdə icarə əsasında ölkəsində “Mariupol”un, 2022/2023 mövsümündə isə Azərbaycanda “Sabah”ın formasını geyinib.

Ukraynanın aşağı yaş qrupları üzrə bütün yığmalarında çıxış etmiş yarımmüdafiəçi 2019-cu ildə 20 yaşadək futbolçulardan ibarət milli komandalar arasında keçirilən dünya çempionatının qalibi olub.

"Mançester Siti"nin yarımmüdafiəçisi Mateo Kovaçiç klubda qalacaq.

"Operativ Məlumat Mərkəzi-OMM" xəbər verir ki, bu barədə jurnalist Fabrizio Romano bildirib.

Daha əvvəl 30 yaşlı yarımmüdafiəçinin karyerasını Səudiyyə Ərəbistanının “Əl-Nəsr” klubunda davam etdirə biləcəyi barədə məlumatlar yayılmışdı.

Mənbənin sözlərinə görə, Kovaçiçin Səudiyyə Ərəbistanına transferi ilə bağlı danışıqlar aparılmayıb.

Xatırladaq ki, Kovaçiç 2023-cü ilin yayından “Mançester Siti”də çıxış edir. Yarımmüdafiəçinin "şəhərlilər"lə hazırkı müqaviləsi 2026/27 mövsümünün sonuna qədər qüvvədədir.

"Atletiko Madrid"in baş məşqçisi Dieqo Simenone mərakeşli yarımmüdafiəçi Sofyan Amrabatı komandasına transfer etmək istəyib.

"Operativ Məlumat Mərkəzi-OMM" jurnalist Fabrizio Romanoya istinadən xəbər verir ki, avqustun son həftəsində Simeone şəxsən Amrabata bir neçə dəfə zəng edib, lakin “Atletiko” yarımmüdafiəçini almaq hüququnu icarə müqaviləsinə daxil etmək istəməyib.

Nəticədə 28 yaşlı yarımmüdafiəçi “Fənərbaxça”ya keçib.

Çünki komandanın baş məşqçisi Joze Mourinyo da Amrabatla şəxsən danışıb.

"Mançester Siti" və "Liverpul" gələn yay “Kristal Pelas”ın yarımmüdafiəçisi Adam Uorton üçün mübarizə aparacaqlar.

"Operativ Məlumat Mərkəzi-OMM" "Daily Mail"ə istinadən bildirir ki, 20 yaşlı futbolçu "şəhərlilərin" və "qırmızılar"ın radarındadır.

Qeyd olunur ki, “Mançester Siti” Rodrinin potensial gedişini nəzərə alaraq Uortonu transfer etmək istəyir.

Son zamanlar ispaniyalının "Real Madrid"ə transferi ilə bağlı şayiələr yayılıb.

Almaniyanın "Ayntraxt" klubunun U-19 komandasının baş məşqçisi Helge Raxe faciəvi şəkildə dünyasını dəyişib.

"Operativ Məlumat Mərkəzi-OMM" xəbər verir ki, bu barədə klubun mətbuat xidməti məlumat yayıb.

33 yaşlı mütəxəssis yol qəzasında həyatını itirib.

Qeyd edək ki, H.Raxe məşqçilik karyerasına 2020-ci ildə "Hallesxer"də başlayıb. O, 2023-cü ildən U-19 komandasına rəhbərlik edib.