Afət Ziyadqızı
Aİ-nin xarici siyasət və təhlükəsizlik siyasəti üzrə ali nümayəndəsi Kaya Kallas Ukraynadakı münaqişənin başa çatdırılması üçün Rusiyaya təzyiqin artırılmasını tələb edib.
“Operativ Məlumat Mərkəzi-OMM” xəbər verir ki, bu barədə Aİ-nin xarici siyasət qurumunun rəsmi saytında məlumat yayılıb.
Kallas keçirdiyi mətbuat konfransında bildirib ki, Ukraynaya dəstəyin artırılması və Moskvaya təzyiqin gücləndirilməsi müharibəyə son qoymağın ən sürətli yoludur.
Onun sözlərinə görə, Aİ Ukraynaya siyasi, hərbi və maliyyə dəstəyini davam etdirməli, eyni zamanda Rusiyaya qarşı təzyiqi artırmalıdır.
Qeyd edək ki, daha əvvəl Fransa, Almaniya və İtaliyanın Kallasın təşəbbüsü ilə müdafiə qrupu yaradılmasına mane ola biləcəyi barədə məlumat yayılıb.
