İsrail Müdafiə Qüvvələri (İDF) İranın İsrail istiqamətində atdığı 100-dən çox PUA-nı aşkar edib və izləyir.

"Operativ Məlumat Mərkəzi-OMM" xəbər verir ki, bu barədə “The Times of Israel” məlumat yayıb.

Müşahidə edilən PUA-ların bir neçə saat ərzində ölkəyə çatacağı qeyd edilərkən, İDF-in uçuşun ilkin mərhələsində onların qarşısını almaq üçün çalışacağı bildirilib.

Bundan əlavə, İsrail Hərbi Hava Qüvvələri İrandan raketlər də daxil ola biləcək hücumları dəf etməyə hazırlaşır. İDF qeyd edib ki, ordu İranın hücumuna qarşı yaxşı hazırlanıb. İsrail hərbçilərinin bildirdiyinə görə, səmada onlara lazım olan yerə zərbə endirməyə hazır olan onlarla hərbi hava qüvvələri qırıcısı var.

Ukraynada münaqişə çıxılmaz və həlledici məqama çatıb.

"Operativ Məlumat Mərkəzi-OMM" xəbər verir ki, bu barədə "Bloomberg" xəbər agentliyi məlumat yayıb.

Agentlik bu qənaətə xüsusi hərbi əməliyyat cəbhələrində mövcud vəziyyətin təhlili və sonrakı hadisələrlə bağlı proqnozlar əsasında gəlib. Bu məlumatlara görə, Ukraynanın ABŞ-ın dərhal dəstəyinə baxmayaraq, Rusiya ordusu yenə də bütün göstəricilərə görə Ukrayna Silahlı Qüvvələrini üstələyəcək.

“Ukrayna nə qədər çox ərazi itirirsə, münaqişəni məqbul şərtlərlə bitirmək bir o qədər çətinləşir”,- deyə bildirilib.

Ukraynanın proqnozlaşdırılan məğlubiyyətinin əsas səbəblərindən biri hava hücumundan müdafiə sistemlərindəki ciddi çatışmazlıqdır.

Nyu-York meri Erik Adams bildirib ki, Kolumbiya Universitetində bir müddətdir davam edən Fələstin tərəfdarı nümayişlər dünən axşam polisin “uğurlu” basqını ilə başa çatıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

“Biz Kolumbiya və Siti Kollecində təxminən 300 nəfərin saxlanılması üçün əməliyyat keçirdik ki, onları hökumət əleyhinə münasibətin geniş yayıldığı yerə çevirənləri oradan uzaqlaşdırdıq",- deyə Adams bildirib.

Adams qeyd edib ki, NYPD tələbələrin saxladığı Hamilton binasının boşaldılmasında "çox intizamlı" çalışıb və çadırların yerləşdiyi hissə də daxil olmaqla, kampusdakı bütün etiraz sahələri təmizlənib.

ABŞ-da Fələstin tərəfdarı tələbə etirazları zamanı 1600-dən çox adam saxlanılıb.

"Operativ Məlumat Mərkəzi-OMM" xəbər verir ki, bu barədə "Washington Post" polis məlumatlarına əsaslanaraq yazıb.

“Son iki həftə ərzində Fələstin tərəfdarı olan şəhərcikdəki etirazlarda 1600-dən çox adam saxlanılıb, Kolumbiya Universiteti və Nyu York Şəhər Kollecində isə 282 nəfər həbs edilib”, - deyə xəbər orqanı bildirib.

Qəzza hökuməti İsrailin aylardır davam edən dağıdıcı hücumları səbəbindən bölgədəki işsizlik nisbətinin yüzdə 75-ə yüksəldiyini açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

İsrailin hücumları nəticəsində minlərlə fələstinli işçi həyatını itirib. Hücumların ilk 3 ayında 200 mindən çox insan işini itirib. İlkin hesablamalara görə, İsrailin oktyabrın 7-dən bu yana regionda 15 biznes sektorunu məhv edən “soyqırımı” hücumlarının vurduğu itkilərin dəyəri 33 milyard dollar olduğu təxmin edilir.

Fransanın Lion şəhərində 1 May mitinqində nümayişçilərlə polis arasında toqquşma baş verib, 17 nəfər saxlanılıb.

"Operativ Məlumat Mərkəzi-OMM" xəbər verir ki, bu barədə BFMTV kanalı məlumat yayıb.

Həmkarlar ittifaqlarının məlumatına görə, nümayişlərdə 13 minə yaxın insan iştirak edib.