Suriyanın rəsmi yayım orqanı olan “el-İhbariye” telekanalının məlumatına görə, İsrail ordusu ölkənin Mürriyyə kəndi istiqamətində hərbi əməliyyat keçirib.
“Operativ Məlumat Mərkəzi – OMM” xəbər verir ki, hərbçilər kəndin müxtəlif ərazilərində yerləşən mülki şəxslərin evlərinə atəş açıblar.
Məlumata görə, hücumdan sonra bölgədə yaşayan sakinlər təhlükəsizlik məqsədilə evlərini tərk edərək ərazidən uzaqlaşıblar.
Hadisə nəticəsində ölən və ya yaralananların olub-olmaması ilə bağlı hələlik rəsmi məlumat açıqlanmayıb.
Qeyd edək ki, bölgədə gərginlik davam edir və hadisələrlə bağlı beynəlxalq səviyyədə müxtəlif bəyanatlar səsləndirilir.
Türkiyənin xarici işlər naziri Hakan Fidan da İsrailin regiondakı siyasətini “təhrikedici” adlandırıb.
