İranın xarici işlər naziri Hörmüz boğazından təhlükəsiz keçidin müəyyən şərtlər daxilində mümkün olduğunu bildirib.
“Operativ Məlumat Mərkəzi-OMM” xəbər verir ki, bu barədə “Tasnim” agentliyi məlumat yayıb.
Bildirilib ki, İranın xarici işlər naziri Abbas Əraqçi Cənubi Koreyanın xarici işlər naziri Ço Hyun ilə telefon danışığı aparıb və ABŞ-İsrail arasında İrana qarşı “təcavüzkar müharibə” fonunda elan edilən atəşkəsdən sonra regiondakı vəziyyəti müzakirə edib.
Əraqçi bir sıra ölkələrin atəşkəs və hərbi əməliyyatların dayandırılmasına dəstəyini yüksək qiymətləndirib və bütün tərəflərin bu razılaşmaya əməl etməsinin vacibliyini vurğulayıb.
O, Hörmüz boğazı ilə bağlı qeyd edib ki, qarşı tərəf atəşkəs öhdəliklərini yerinə yetirdiyi və texniki məhdudiyyətlər nəzərə alındığı halda İran Silahlı Qüvvələri ilə koordinasiya əsasında təhlükəsiz keçid təmin oluna bilər.
Cənubi Koreya XİN başçısı isə atəşkəsin elan edilməsini alqışlayaraq, regionda hərbi gərginliyin azaldılmasının və davamlı sabitliyin danışıqlar yolu ilə təmin olunmasının vacibliyini bildirib.
Tərəflər həmçinin Tehran və Seul arasında ikitərəfli münasibətlər və konsulluq əməkdaşlığı məsələlərini də müzakirə ediblər.
