İranın xarici işlər nazirinin müavini Səid Xətibzadə ABŞ qoşunlarının Xarq adasına göndərilməsi ehtimalına toxunub.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
O bildirib ki, bir ölkədən digərinə qoşun göndərilməsidüşünülməmiş və bütün beynəlxalq hüquqa zidd”addımdır:
"Belə bir vəziyyətdə isə İran özünü müdafiə edəcək".
O həmçinin qeyd edib ki, hazırda İranda ölkənin ərazi bütövlüyünün və milli suverenliyinin qorunmasına diqqət yetirirlər.
“Hazırda bizi milli müdafiədən yayındıra biləcək heç nə müzakirə olunmur. Müharibənin dayandırılması ilə bağlı qərarı bu təcavüzü başlayanlar verməlidir", - nazir müavini bildirib.
Xətibzadə vurğulayıb ki, İran lazım olduğu qədər özünü müdafiə etməyə hazırdır.
