İranın məhkəmə sisteminin rəhbəri ölkəsinin müharibə axtarmadığını, lakin təhdid ediləcəyi halda cavab verməyə hazır olduğunu bildirib.
"Operativ Məlumat Mərkəzi-OMM" xəbər verir ki, Qulamhüseyn Möhseni-Ejei çıxışında İranın müharibəni istəmədiyini, lakin ondan da çəkinmədiyini vurğulayıb.
O qeyd edib ki, “biz müharibəni alqışlamırıq, amma ondan qorxmuruq; əgər ləyaqətimiz təhdid altında olarsa, vuruşacağıq”.
Möhseni-Ejei həmçinin hücumlarla bağlı hüquqi tədbirlərin davam etdiriləcəyini bildirib və müxaliflərə təzyiq və ya şərtlərin danışıqlar yolu ilə qəbul etdirilməsinin mümkün olmadığını qeyd edib. Onun sözlərinə görə, danışıqlar yalnız “məcburiyyət olmadan” məqbul sayılır.
