“Qəbələ” heyətinə yeni futbolçu cəlb edib.
Klubdan "Operativ Məlumat Mərkəzi-OMM"-ə verilən məlumata görə, Premyer Liqa təmsilçisi kot-d`ivuarlı sol cinah müdafiəçisi Kouya Mabena ilə 1+1 illik müqavilə bağlayıb.
27 yaşlı futbolçu son olaraq Maltanın “Floriana” klubunda çıxış edib. O, buna qədər “Vesterlo” (Belçika), “UTA Arad” (Rumıniya), “Hapoel Hadera”, “Hapoel Rişon LeZion” (hər ikisi İsrail) komandalarının da şərəfini qoruyub.
