İtaliyanın keçmiş baş naziri Cüzeppe Konte hökumətin miqrasiya böhranı səbəbindən İspaniya ilə sərbəst hərəkəti nəzərdə tutan Şengen sazişinin tətbiqini müvəqqəti dayandırmaq qərarını "biabırçı" adlandırıb.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Konte bildirib ki, 2022-ci ildən bu günədək İtaliyaya İspaniyadan daha çox miqrant gəlib və eyni məntiqlə digər Avropa ölkələri də İtaliya ilə sərhədlərini bağlaya bilərdi.
"Əslində İtaliya sırf təbliğat məqsədilə İspaniyaya sillə vurdu. Bu miqrantlar İtaliyaya necə gələ bilər? Seuta Afrikada yerləşir, onlar hələ İspaniya ərazisinə belə daxil olmayıblar", - sabiq baş nazir vurğulayıb.
Bundan əvvəl İtaliya hökumətinin qərarı müxalifətdəki Demokrat Partiyası tərəfindən də tənqid olunmuşdu.
Həmin partiya Avropa Parlamentində İspaniyanın Baş naziri Pedro Sançesin rəhbərlik etdiyi Sosialist Partiyası ilə eyni siyasi fraksiyada təmsil olunur.
