Sel təhlükəsinin artması ilə əlaqədar olaraq Udmurtiya Respublikasının Malopurqinski, Kiznerski və İqrinski rayonlarında yüksək hazırlıq rejimi tətbiq edilib.
"Operativ Məlumat Mərkəzi-OMM"xəbər verir ki bu barədə Udmurtiya Respublikasının Fövqəladə Hallar Nazirliyinin regional şöbəsinin veb-saytı məlumat yayıb.
Xəbərdə qeyd olunan ərazilərdə 150 fərdi təsərrüfat və həyətyanı sahələri su basıb. Təbii fəlakətdən ən çox İqrinski rayonu zərər görüb, xüsusilə İqra qəsəbəsində 96 ev, Loza kəndində isə iki sahə su altında qalıb. Həmçinin Kiznerski rayonunda 50 ev təsərrüfatını, Malopurqinskidə isə iki bağ evini sel suları basıb.
Daşqınlar nəticəsində bir sıra avtomobil yollarına və alçaq səviyyəli körpülərə ziyan dəyib. Mövcud vəziyyətlə əlaqədar Fövqəladə Hallar Nazirliyinin yerli şöbələri yüksək hazırlıq vəziyyətinə gətirilib.
