İngiltərənin "Newcastle" klubu Braziliya futbolunun gələcək ulduzu hesab edilən 16 yaşlı Eduardo Konseysaunu heyətinə qatmaq üçün 21 milyon funt-sterlinq təklif edib.
"Operativ Məlumat Mərkəzi-OMM" xarici KİV-ə istinadən xəbər verir ki, "Dudu" ləqəbli gənc istedad hazırda "Palmeiras" klubunun 17 yaşlılardan ibarət komandasında 10 nömrəli formada çıxış edir.
Mətbuatın məlumatına görə, gənc hücumçu ilə maraqlanan klublar arasında aşağıdakılar da var:
- "Arsenal"
- "Real"
- PSJ
Cənubi Amerika mediası bildirir ki, "Palmeiras" İngiltərə təmsilçisinin təklifini rədd edib. Buna səbəb oyunçunun əsas komandada heç bir matça çıxmamasına baxmayaraq, müqaviləsində sərbəst qalma məbləğinin 86 milyon funt-sterlinq olaraq göstərilməsidir.
İspaniyanın "AS" nəşrinə müsahibə verən “Dudu” təzyiqlərə öyrəşdiyini bildirib:
"Mən adətən özüm haqqında yazılan xəbərləri oxumuram. Əsas məqsədim meydanda ən yaxşı formamı nümayiş etdirməkdir. Ailəm mənə reallıqdan qopmamağı xatırladır. "Palmeiras" klubuna mənə verdiyi dəyərə görə minnətdaram. Bu, mənə daha da inkişaf etmək üçün əlavə motivasiya verir".
