Ümumiyyətlə biz Qərbin ikiüzlü ve selektiv siyasətini ta qədimdən olduğunu bilirik. Bu kontekstdən baxsaq, Azərbaycanın post-müharibə dövründə regionda yaratdığı yeni siyasi, iqtisadi və geosiyasi mənzərə bir çoxlarını təşvişə salıb.
Bu fikirləri "Operativ Məlumat Mərkəzi-OMM"-ə açıqlamasında millət vəkili Vüqar İskəndərov bildirib.
"Bunların başında Qərb İnstitutları, beynəlxalq təşkilatlar, dövlət kimi Fransa, ABŞ, Kanada və digər dövlətlərin də olduğu açıq-aydın görünür.
Burada əvvəla xristian təşəbbüskeşliyi hiss olunur. 21-ci əsrdə siyasətin bu qədər əzilmiş hala gətirilməsi, insanları, dövlətləri, irqi və dini keyfiyyətlərə görə fərqləndirmək bugünkü gördüyümüz reallıqlardır.
Ermənistanın dəfələrlə Azərbaycanın ərazi bütövlüyünü tanımasını qeyd etməsi, artıq sülh danışıqlarının başlamaq istəməsi və eyni zamanda Fransa, Hindistan və ABŞ-dən silahların alınması, onlardan dəstək istəməsi onu xarici siyasətindəki qeyri-stabilliyini özündə əks etdirir.
Artıq Paşinyan Fransada Makronla görüşdən sonra görüş nəticəsi olaraq, Fransanın Ermənistana silah göndərməsi və ABŞ ilə də gizli danışıqlar aparması haqda məlumatımız var. ABŞ Ermənistanın Rusiyadan qopacağı, ayrılacağı təqdirdə onu hərtərəfli yardımın göstərilməsi öhdəliyini götürməsi bir daha dediklərimizə bariz nümunədir.
Qərb hər vəchlə bölgədə Azərbaycanın qələbəsinə həzm etmir, yeni eskalasiyanın tərəfdarıdır, bölgədə yeni münaqişə ocaqlarının alovlanmasına maraqlıdır. Bütün bunlar təbii ki, bölgə üçün arzuolunmazdır. Əgər bunlar baş verəcəksə, təbii ki burda yeni bir Ukrayna modeli yaratmaq istəyirlər. Təbii ki, burada da Ermənistan bir alət rolundadır. Rusiya hələ ki, çox ciddi siyasi və hərbi reaksiyalar verməsə də, əgər məsələ ciddiləşərsə Rusiya öz konkret mövqeyini bildirəcək. Bu isə təbii ki, Ermənistan üçün arzuolunmaz nəticələrə gətirib çıxara bilər.
Bunu Ermənistanın hərbi-siyasi rəhbərliyi dərindən düşünməli və xarici siyasətindəki qeyri-stabilliyi kənara qoyaraq, konkret düzgün mövqe nümayiş etdirməlidir. Bu isə Azərbaycanın da təklif etdiyi kimi bölgədə sülh yaranması, daimi tərəqqinin olması, iki ölkə arasında sülh müqaviləsinin imzalanması və ümumiyyətlə kommunikasiya açılaraq Ermənistanın da yeni yaranmış fürsətlərdən istifadə etməsinə dəstəkdir.
Bu mənada Azərbaycanla Türkiyənin mövqeyi konkretdir. Azərbaycan da bölgədə yeni güclərin yaranmasına, min kilometrlərlə məsafədə olan ölkələrin Cənubi Qafqaza soxulmasına qəti qarşıdır. Burada bütün məsələləri qonşu dövlətlər özləri həll etməlidir. Bunun üçün də çox vacib platformalar mövcuddur. Əsas Ermənistanın mövqeyi burada konkret olmalı, öz xalqının, dövlətini düşünürsə, rasional siyasət həyata keçirməlidir".
