ABŞ Prezidenti Donald Tramp xarici dövlətlərə göstərilən yardımlar və müttəfiqlərin mövqeyi ilə bağlı açıqlamalar verib.
“Operativ Məlumat Mərkəzi – OMM” xəbər verir ki, Tramp “Fox News” telekanalına müsahibəsində Vaşinqtonun NATO və Cənubi Koreya kimi tərəfdaşlara milyardlarla dollar xərclədiyini, lakin bunun müqabilində qarşılıqlı dəstək görmədiyini bildirib.
Trampın sözlərinə görə, ABŞ-nin bu ölkələrə maliyyə dəstəyi göstərməsinə baxmayaraq, ehtiyac yarandıqda həmin dövlətlər Vaşinqtonun çağırışlarına mənfi cavab verirlər.
“Biz digər ölkələrə kömək edirik. NATO və Cənubi Koreyaya milyardlar xərcləyirik, lakin bizə kömək lazım olanda onlar ‘yox, təşəkkür edirik’ deyirlər”, - deyə siyasətçi bildirib.
Prezident qeyd edib ki, ABŞ bu resurslardan iqtisadi mənfəət əldə edə bilərdi. Onun sözlərinə görə, qarşılıqlı münasibət göstərməyən tərəfdaşlara vəsait xərcləməyə davam etmək məntiqli deyil.
“Sizə kömək etmək istəməyənlərə qarşı sadəlövh davranaraq yardım etməyə davam edə bilməzsiniz”, - deyə Tramp əlavə edib.
Məlumata görə, Cənubi Koreya rəsmiləri əvvəllər Trampın Şimali Koreya ilə danışıqları bərpa etmək səylərini dəstəkləsələr də, rəsmi Seul nüvəsizləşdirmə prosesinin vacibliyini müdafiə edir.
Cənubi Koreya tərəfi təhlükəsizliyin təmin edilməsi və danışıqlar prosesində mərkəzi rol oynamaqda israrlıdır.
Bundan əlavə, Seul Vaşinqtonla investisiya, kəşfiyyat və müharibə dövründə operativ idarəetmə sahələrində əməkdaşlığı dərinləşdirməyi planlaşdırır.
