Çin İranla siyasi etimadı gücləndirmək və ölkələr arasında əməli əməkdaşlığı genişləndirmək üçün işləməyə hazırdır.
"Operativ Məlumat Mərkəzi-OMM" xəbər verir ki, bu sözləri Çin Xalq Respublikası Dövlət Şurasının baş nazirinin müavini Dinq Syuesyan İranın xarici işlər naziri Abbas Əraqçi ilə görüşü zamanı deyib.
"Çin İran tərəfi ilə iki ölkə liderlərinin əldə etdiyi mühüm razılaşmaların həyata keçirilməsi, yüksək səviyyəli təmasların gücləndirilməsi, siyasi etimadın artırılması, praktiki əməkdaşlığın genişləndirilməsi və beynəlxalq və regional məsələlərdə qarşılıqlı fəaliyyətin intensivləşdirilməsi üçün işləməyə hazırdır. Beləliklə, biz Çin və İran arasında hərtərəfli strateji tərəfdaşlığın davamlı və uzunmüddətli inkişafına hər iki ölkə xalqının rifahı naminə kömək edəcəyik",- deyə o qeyd edib.
