Cənubi Koreya və ABŞ-ın hərbi dəniz donanmaları, həmçinin Yaponiya Dəniz Özünümüdafiə Qüvvələri birgə təlimlər keçirməyi planlaşdırır.
"Operativ Məlumat Mərkəzi-OMM" xəbər verir ki, bu barədə “Yonhap” agentliyi məlumat yayıb.
Bildirilib ki, dəniz təlimləri ABŞ-ın “Nimitz” adlı nüvə aviadaşıyıcısının iştirakı ilə keçiriləcək.
Qeyd edilib ki, “Nimitz” aviadaşıyıcısı çərşənbə axşamı Cənubi Koreyanın ikinci ən böyük şəhəri olan Pusana çatıb.
Agentliyin məlumatına görə, gəmi böyük ehtimalla bu həftənin sonunda limanı tərk edəcək, təlimlər isə gələn həftənin əvvəlində baş tutacaq.
