"Bakı Metropoliteni" QSC sərnişin axınının tənzimlənməsi və qatarların hərəkət qrafikinin optimallaşdırılması istiqamətində növbəti yeniliklər edib.
“Operativ Məlumat Mərkəzi-OMM” bu barədə səhmdar cəmiyyətinə istinadən xəbər verir.
Məlumata görə, sərnişin sayında müşahidə edilən artım nəzərə alınaraq, texniki sistemlərdə aparılan təkmilləşdirmə və rəqəmsal həllərin tətbiqi sayəsində hərəkət qrafikində aşağıdakı dəyişikliklər tətbiq edilib:
- Pik vaxtlarda "28 May–Əhmədli" sahəsində hər iki istiqamətdə saatda 36 cüt qatar hərəkət edir.
- Günorta saatlarında – 12:30-14:30 və 16:00-17:00 aralıqlarında Yaşıl və Qırmızı xətlərdə 30 saniyə azaldılmış interval tətbiq olunur.
- Səhər, günorta və axşam saatlarında xətlərə "Koroğlu", "28 May", "Gənclik" və "Elmlər Akademiyası" stansiyalarına qədər sərnişinsiz hərəkət edən qatarlar verilir.
