İngiltərənin "Liverpool" klubunun sol cinah müdafiəçisi Endryu Robertson cari mövsümün sonunda azad agent statusu alacaq.
"Operativ Məlumat Mərkəzi-OMM" xəbər verir ki, şotlandiyalı futbolçunun başa çatan müqaviləsinin yenilənməyəcəyi artıq dəqiqləşib.
32 yaşlı oyunçu üçün əsas namizəd kimi "Tottenham" klubu göstərilirdi.
Lakin London təmsilçisi Çempionşipə düşəcəyi təqdirdə bu transferin reallaşması inandırıcı görünmür.
İspaniyanın "Atletiko" klubu Robertsona olan marağını yenidən bərpa edib.
Qeyd edək ki, Madrid təmsilçisinin adı bir neçə ay əvvəl də bu transferdə hallanırdı.
Təcrübəli müdafiəçi 2017-ci ildən etibarən "Liverpool" forması geyinir. O, cari mövsümdə komandasının heyətində keçirdiyi 34 matçda 3 qol və 2 məhsuldar ötürmə ilə yadda qalıb.
