Afət Ziyadqızı
ABŞ Hərbi Dəniz Qüvvələri İranla əlaqəli gəmilərə qarşı əməliyyatları davam etdirir.
"Operativ Məlumat Mərkəzi-OMM"xəbər verir ki, bu barədə ABŞ Mərkəzi Komandanlığı (CENTCOM) məlumat yayıb.
Bildirilib ki, dəniz blokadasının başlanğıcından bəri ABŞ qüvvələri İranla əlaqəli 38 ticarət gəmisini ələ keçirib.
Qeyd olunub ki, ABŞ Hərbi Dəniz Qüvvələri İran limanlarına giriş-çıxışı məhdudlaşdırmaq məqsədilə fəaliyyətini davam etdirir.
Məlumata görə, qüvvələr tərəfindən həmin gəmilərə geri dönmək və ya limanlara qayıtmaq əmri verilib.
Bildirilib ki, CENTCOM sanksiya tətbiq edilən gəmilərə qarşı əməliyyatların davam etdiriləcəyini açıqlayıb.
Qeyd edilib ki, regionda təhlükəsizlik tədbirləri gücləndirilib və nəzarət davam etdirilir.
