"Qalatasaray" Lukas Torreyranın 2026-cı ildə başa çatan müqaviləsini 2028-ci ilə qədər uzatmaq istəyir.
"Operativ Məlumat Mərkəzi-OMM" "Takvim"ə istinadən xəbər verir ki, 2 milyon 750 min avro qazanan uruqvaylı yarımmüdafiəçinin yeni maaşının 3 milyon avronu keçəcəyi, imic hüquqları və matç haqları da daxil olmaqla 4 milyon avroya yaxın qazanacağı öyrənilib.
Karyerasının son dövründə Cənubi Amerikada oynamaq istəyən Torreyranın 2028-ci ilə qədər "Qalatasaray"da çıxış etməyi planlaşdırdığı bildirilib.
"Qalatasaray"la müqaviləsi 2026-cı ilə qədər davam edən Lukas Torreyranın hazırkı bazar dəyəri 13 milyon avro olaraq göstərilir.
"Qalatasaray"ın heyətində 122 matça çıxan Torreyra 3 qol vurub, 11 məhsuldar ötürmə edib.
