Azərbaycan Premyer Liqasında IX tur davam edir.
"Operativ Məlumat Mərkəzi-OMM" xəbər verir ki, günün ikinci oyunu Bakıda keçirilib.
Mövsümə uğursuz start verən “Sabah” yenidən elitaya qayıdan “Araz-Naxçıvan”ı sınağa çəkib. “Zirə” və “Neftçi”ni məğlub etməklə diqqət çəkən “Araz-Naxçıvan” zəngin heyətə malik daha bir komanda “Sabah” önündə uğurlu çıxışını davam etdirib. Matçda hesabı qonaqlar açıblar. 76-cı dəqiqədə İshak Belfodil avtoqol müəllifi olub. 6 dəqiqə sonra Anatali Nuriyev bərabərlik qolunu vurub. Beləliklə, qarşılaşma 1:1 hesabı ilə yekunlaşıb. Bununla "Sabah"ın qalibiyyətsiz oyunlar seriyası 7-yə çatıb.
