Macarıstan tərəfinin təşəbbüsü ilə Rusiya Prezidenti Vladimir Putin ilə Macarıstan Baş naziri Viktor Orban arasında telefon danışığı baş tutub.
"Operativ Məlumat Mərkəzi-OMM" xəbər verir ki, bu barədə Kreml məlumat yayıb.
Danışıqlar zamanı Viktor Orban Budapeştdə mümkün Rusiya-Amerika sammitinin təşkili üçün şərait yaratmağa hazır olduğunu bildirib.
Rusiya Prezidenti ABŞ Prezidenti Donald Trampla apardığı söhbətin əsas məzmununu açıqlayaraq bildirib ki, qarşıdakı təmaslarda Ukrayna böhranının sülh yolu ilə həlli və gələcək Rusiya-Amerika sammitinin Budapeştdə keçirilməsi məqsədilə fəaliyyət alqoritmi müzakirə olunacaq.
