ABŞ-nin Kaliforniya ştatının Los Anceles şəhərində silahlı hücum baş verib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, hadisə nəticəsində 2 nəfər ölüb, 6 nəfər isə yaralanıb.
Los Anceles Polis İdarəsinin rəsmisi, şəhərdə keçirilən bir məclisə yerli vaxtla saat 01:00 radələrində silahlı hücum təşkil edildiyini bildirib.
Rəsmilərin məlumatına görə, hücum nəticəsində Gregory Derisso adlı şəxs hadisə yerində, 52 yaşlı bir qadın isə aparıldığı xəstəxanada həyatını itirib.
Hadisədə 6 nəfərin yaralandığı, onlardan birinin vəziyyətinin ağır olduğu qeyd olunub.
Hücum edən şəxsin kimliyi hələ müəyyən edilməyib.
