Afət Ziyadqızı
İsrailin “El Al” aviaşirkəti iyunun 17-dək bütün reysləri ləğv edib, Moskva da daxil olmaqla bir sıra şəhərlərə uçuşlara məhdudiyyətlər iyunun 23-dək qüvvədə olacaq.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
"Təhlükəsizlik orqanlarının qərarına uyğun olaraq, İsrail hava məkanı mülki təyyarələrin qalxması və enməsi üçün bağlı qalır", - aviaşirkətin açıqlamasında deyilir.
Bununla əlaqədar olaraq onlar əlavə ediblər ki, 17 İyun daxil olmaqla bütün "El Al reysləri" ləğv edilib. Bundan əlavə, iyunun 23-dək aşağıdakı istiqamətlərə uçuşlar ləğv edilib: Berlin, Tbilisi, Barselona, Batumi, Varşava, Münhen, Moskva və bir sıra digər böyük şəhərlərə.
İsrail hakimiyyəti iyunun 13-də İrana qarşı əməliyyata başladığını elan etdikdən sonra ölkə üzərindəki hava məkanını bağlayıb. Rayon ərazisində hava nəqliyyatının təhlükəsizliyini təmin etmək üçün tədbirlər həyata keçirilib.
