Yanvarın 16-da Dohada İsrail və HƏMAS arasında girovların azad edilməsi və Qəzza zolağında atəşkəs əldə edilməsinə dair imzalanan sazişin birinci mərhələsi 2 min fələstinli məhbusun əvəzində 33 israilli əsirin azad edilməsini nəzərdə tutur.
"Operativ Məlumat Mərkəzi-OMM" xəbər verir ki, bu barədə “Jerusalem Post” qəzeti məlumat yayıb.
Məlumata görə, sazişin birinci mərhələsi 42 gün davam edəcək, sazişin icrasına isə onun imzalanmasından iki-üç gün sonra başlanacaq.
Əvvəlcə 33 girov azad ediləcək: qadınlar və uşaqlar, sonra qadın əsgərlər, daha sonra 50 yaşdan yuxarı kişilər.
Bunun müqabilində İsrail həbsxanalarında saxlanılan 2000 məhkum, o cümlədən 2023-cü il 7 oktyabr hadisələrindən sonra saxlanılan minə yaxın insanı azad ediləcək.
Mübadilə üçün təsdiqlənmiş fələstinli məhbuslardan 250-yə yaxını ömürlük həbs cəzasını çəkir.
