Afət Ziyadqızı
Qırğızıstanın paytaxtı Bişkekdə Mi-8 hərbi helikopterinin qəzaya uğraması nəticəsində bir nəfər həyatını itirib.
"Operativ Məlumat Mərkəzi-OMM" Qırğızıstan aviasiya agentliyinin bəyanatına istinadən xəbər verir ki, hərbi Mi-8 helikopteri Frunze-1 aviabazasına düşüb.
"Vesti.kg" xəbər verir ki, adi təlim uçuşu zamanı baş verən qəzada ilkin məlumatlara görə, 1 nəfər ölüb, 7 nəfər yaralanıb.
Mi-8 məşhur sovet və rus helikopter modelidir və dünyada ən çox istehsal edilən helikopterlərdən biridir. Əsas model 1960-cı illərin əvvəllərində Mixail Mil dizayn bürosunda hazırlanmışdır. O vaxtdan bəri 130-dan çox mülki və hərbi modifikasiya hazırlanıb. Mi-8-in maksimum sürət saatda 240 kilometr; maksimum uçuş hündürlüyü 6000 m; maksimum uçuş çəkisi 13.000 kiloqram; 620 km əsas yanacaq çənləri ilə maksimum uçuş məsafəsi; 26 nəfərə qədər sərnişin tutumu; və üç nəfərlik ekipajdan ibarətdir.
