"Bayer"in hücumçusu Adam Hlozek karyerasını İngiltərə çempionatında davam etdirə bilər.
"Operativ Məlumat Mərkəzi-OMM" xəbər verir ki, bu barədə jurnalist Florian Plettenberg məlumat yayıb.
Bir sıra adı açıqlanmayan APL klubları 22 yaşlı futbolçu ilə maraqlanır.
Leverkuzen komandası 17-18 milyon avro təklif alacağı təqdirdə futbolçunu satmağa hazırdır.
Hlozek 2022-ci ilin iyulundan "Bayer"də çıxış edir. 2023/24 mövsümündə hücumçu 36 oyunda 7 qol vurub və 5 asist edib.
"Transfermarkt" portalı oyunçunun dəyərini 12 milyon avro olaraq qiymətləndirir.
