Allahşükür Paşazadə: "30 il ərzində ermənilər məscidlərimizi bərbad hala salıblar"

Qafqaz Müsəlmanlar İdarəsinin (QMİ) sədri, Şeyxülislam Allahşükür Paşazadə Aşura mərasimində bütün şəhidlərimizə rəhmət diləyib.

"Operativ Məlumat Mərkəzi-OMM" xəbər verir ki, Allahşükür Paşazadə bu barədə QMİ-nin təşkil etdiyi qanvermə aksiyası zamanı jurnalistlərə bildirib.

"30 il ərzində erməni işğaçıları bizim torpaqlarımızı işğal edəndə məscidlərimizi, ziyarətgahlarımızı, qəbiristanlıqlarımızı bərbad hala saldılar, məscidlərimizi məhv etdilər, məscidlərimizin içərisində haram olan donuz saxladılar. Bütün bu hərəkətlər İslama olan, Azərbaycan xalqına olan münasibətdir.

Allaha şükür ki, 30 ildən sonra Ali Baş Komandanın rəhbərliyi ilə rəşadətli ordumuz, xalqımızın birliyi ilə bu torpaqları azad etdi”,- deyə Allahşükür Paşazadə bildirib.

Mehman Mirzəzadə, Aminə Nəzərova