Ukrayna prezidenti Vladimir Zelenski litvalı həmkarı Gitanas Nauseda ilə Ukraynanın müdafiə və təhlükəsizlik təminatının gücləndirilməsini müzakirə edib.
"Operativ Məlumat Mərkəzi-OMM" xəbər verir ki, bu barədə Ukrayna lideri sosial şəbəkədə yazıb.
"Mən Litva prezidenti Gitanas Nauseda ilə danışdım və Litvaya aydın mövqeyinə və Ukraynaya davamlı dəstəyinə görə təşəkkür etdim", - Ukrayna lideri bildirib.
Zelenski qeyd edib ki, telefon danışığı zamanı Ukraynanın müdafiəsinin gücləndirilməsi, xüsusilə artilleriya, hava hücumundan müdafiə, uzaq mənzilli pilotsuz uçuş aparatlarının istehsalına birbaşa investisiyalar, həmçinin Ukrayna üçün təhlükəsizlik təminatlarının zəruriliyi müzakirə olunub.
Xatırladaq ki, bundan əvvəl Ukrayna prezidenti İsrailin baş naziri Binyamin Netanyahu ilə telefon danışığı aparıb.
