“Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında” qanun var. Burada həmin şəxslərin əhatə dairəsi verilib.
"Operativ Məlumat Mərkəzi-OMM" xəbər verir ki, bunu Milli Məclisin Elm və təhsil komitəsinin bu gün keçirilən iclasında Elm və Təhsil nazirliyinin Hüquq şöbəsinin müdiri Səbuhi Mahmudov deyib.
O bildirib ki, valideyn himayəsindən məhrum edilən dedikdə isə 1 valideyni vəfat etmiş, digəri isə ya həbsdə olan, ya valideynlikdən məhrum edilənlər nəzərdə tutulur: “Hazırda Əmək və Əhalinin Sosial Müdafiəsi Nazirliyi tərəfindən “Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında” qanuna yeni dəyişiklik hazırlanır. Bu qanun da yaxın zamanda Milli Məclisə daxil olacaq”.
