Tümen vilayətində daşqınlar səbəbindən sakinlər təxliyə edilib

Tümen vilayətinin Abatski rayonunun 1,3 mindən çox sakini daşqın səbəbindən təxliyə edilib.

"Operativ Məlumat Mərkəzi-OMM" xəbər verir ki, bu barədə regional hökumətin informasiya mərkəzində məlumat verilib.

Abatski rayonunun sədri İqor Vasilyev qeyd edib ki, daşqınlar səbəbindən bələdiyyənin 14 yaşayış məntəqəsinə gediş-gəliş dayandırılıb, rayon əhəmiyyətli 11 yol su səbəbindən bağlanıb.

Hazırda quruda dörd qayıq keçidi fəaliyyət göstərir və müvəqqəti yerləşdirmə mərkəzləri təxliyyə olunanları qəbul etməyə hazırdır.

Hökumətin mətbuat xidməti xəbərdarlıq edib ki, bələdiyyə mümkün daşqın zonasındadır, lakin Abatskoyeni daşqından qoruyan cənub və şimal bəndlərinin hündürlüyü suyu saxlamaq üçün kifayətdir.