Tramp və Si Cinpin görüşdə razılığa gəliblər

ABŞ və Çin hazırda ticarət mübahisəsini həll etmək üçün iki ölkə lideri Donald Tramp və Si Cinpin arasında telefon danışığını əlaqələndirirlər.

"Operativ Məlumat Mərkəzi-OMM" xəbər verir ki, bu barədə "CNN" Ağ Evdəki iki yüksək səviyyəli mənbəyə istinadən məlumat yayıb.

“Tramp administrasiyası və Çin rəsmiləri prezident Donald Tramp və Çin prezidenti Si Cinpin arasında telefon danışığının təşkilini müzakirə edirlər”, - deyə məlumatda qeyd olunub.

ABŞ prezidenti Donald Tramp Çinin ABŞ-la ticarət imkanlarını təsirli şəkildə aradan qaldıran tariflərə görə Çinin "çox pis iqtisadi problem içində" olduğunu bildirib.

ABŞ lideri daha sonra qeyd edib ki, bu böhranın daha da pisləşməsinin qarşısını almaq üçün Çinlə razılaşma əldə edib. Tramp bildirib ki, saziş “vəziyyəti sürətlə sabitləşdirməyə” kömək edib, lakin Pekin müqaviləni “tamamilə pozub”.