ABŞ prezidenti Donald Tramp Rusiya prezidenti Vladimir Putinlə əlaqə saxladığını bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bununla bağlı Rusiya prezidentinin mətbuat katibi qeyd edib ki, ABŞ və Rusiya arasında çoxsaylı qarşılıqlı əlaqələr mövcuddur, bəzilərindən onun xəbəri olmaya bilər.
Dmitri Peskov Rusiya prezidenti Vladimir Putinlə ABŞ prezidenti Donald Tramp arasında telefon danışığı barədə məlumatı nə təsdiq, nə də təkzib edib.
Qeyd edək ki, daha əvvəl “New York Post” Trampın rusiyalı həmkarı ilə Rusiya-Ukrayna münaqişəsinin həlli ilə bağlı telefon danışığı apardığını yazıb.
