Avstraliyanın Melburn şəhərindən Brisben şəhərinə getməyə hazırlaşan təyyarədə olan ilan, uçuşun təxminən 2 saat gecikməsinə səbəb olub.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Melburnedən Brisbenə gedən sərnişinlər, Virgin Avstraliya Hava Yollarına məxsus təyyarəyə minməyə başladıqları anda nadir rast gəlinən bir hadisə ilə üzləşiblər.
Səlahiyyətlilər təyyarənin yük hissəsində təxminən 60 santimetr uzunluğunda bir ilan tapıblar.
İlanı tutandan sonra onun zəhərli olmadığı aşkarlanıb.
Hava limanı rəsmiləri ilan səbəbiylə uçuşun təxminən 2 saat gecikdiyi barədə məlumat paylaşıb.
