Elektrikli maşın nəhəngi "Tesla"nın qiymətlərində bir daha azalma olacaq.
"Operativ Məlumat Mərkəzi-OMM" xarici KİV-ə istinadən xəbər verir ki, bu haqda şirkətin icraçı direktoru Elon Musk məlumat verib.
Multimilyarder, həmçinin ciddi rəqabət səbəbilə mənfəət marjasının (satışların qazanc əmsalı) azaldığını bildirib.
Belə ki, şirkətin sözügedən əmsalı ötən illə müqayisədə 18.2% azalıb.
"Mən bunu dalağalanma dövrü olaraq xarakterizə edərdim. Düşünürəm ki, şirkətin az mənfəətlə daha çox satış etməyi rəqabətdə qalib gəlməyi ilə nəticələnəcək"- deyə Musk bildirib.
Xatırladaq ki, "Tesla" ABŞ və Çin kimi böyük bazarlarda qiymətlərini bir neçə dəfə endirib.
