Tacikistan prezidenti terrorla mübarizədə ikili standartlara qarşı çıxış edib

Tacikistan prezidenti Emoməli Rəhmon ölkəsinin terrorizm və ekstremizmlə mübarizədə ikili standartlara qarşı olduğunu bildirib.

"Operativ Məlumat Mərkəzi-OMM" xəbər verir ki, bu barədə "RİA Novosti" məlumat yayıb.

Rəhmon qeyd edib ki, Tacikistan və Rusiya Federasiyası arasında ikitərəfli əlaqələr ticarət-iqtisadi əməkdaşlıq və humanitar sahələrdə yüksələn xətlə inkişaf edir.

“Söhbət terrorizm və ekstremizmlə mübarizədən gedirsə, siz 30 ildən artıqdır ki, bizim mövqeyimizi bilirsiniz. Bizim münasibətimiz belədir: Mən dəfələrlə bildirmişəm ki, biz terrorizm və ekstremizmlə mübarizədə ikili standartların əleyhinəyik. Terrorun milliyyəti və dini yoxdur", - deyə Tacikistan lideri vurğulayıb.