Robert Fiko hökumətin başında qaldığı müddətdə Slovakiya rəsmiləri heç vaxt Ukraynanın NATO-ya daxil olmasını dəstəkləməyəcəklər.
"Operativ Məlumat Mərkəzi-OMM" xəbər verir ki, bu barədə Fiko Braziliyanın “Folha de S.Paulo” nəşrinə müsahibəsində bildirib.
“Mən baş nazir olduğum müddətdə heç vaxt Ukraynanın NATO-ya daxil olmasını dəstəkləməyəcəyəm”, - deyə siyasətçi bildirib.
Fiko bəyan edib ki, o, Avropa ilə Rusiya Federasiyası arasında münasibətləri normallaşdırmaq istəyir və hazırkı münaqişəni “anormal” hesab edir.
Baş nazir həmçinin əminliklə bildirib ki, Ukrayna münaqişəsi bitən kimi avropalılar Rusiyaya gedəcək və onunla ticarət əlaqələri qurmağa başlayacaqlar.
