Qərb tərəfindən gərginliyin daha da artması Rusiyanın tükənməsinə səbəb olmayacaq, əksinə Qərb ölkələrinin özlərinin strateji məğlubiyyətinə yaxınlaşacaq.
"Operativ Məlumat Mərkəzi-OMM" xəbər verir ki, bunu Rusiyanın “Razvedçik” jurnalına müsahibəsində Rusiya Federasiyası Xarici Kəşfiyyat Xidmətinin rəhbəri Sergey Narışkin deyib.
Narışkinin fikrincə, Qərb Rusiya ilə son ukraynalıya qədər vuruşmağı və Baltikyanı ölkələri, Şərqi Avropanı və gələcəkdə Almaniyanı müharibəyə məcbur etməyi planlaşdırır.
Xarici Kəşfiyyat Xidmətinin rəhbəri bəyan edib ki, anti-Rusiya sanksiyalarına və onun dondurulmuş aktivlərinin oğurlanmasına baxmayaraq, Rusiya iqtisadiyyatı inkişaf edir, idxalı əvəz edən sənaye, o cümlədən yüksək texnologiyalı sənaye sürətlə inkişaf edir.
Narışkin bildirib ki, xüsusilə Böyük Avrasiya regionunda yeni təchizat zəncirləri yaranıb və yeni dövlətlərlə iqtisadi əlaqələr güclənib.
