İstanbulda əldə edilmiş Rusiya-Ukrayna razılaşmalarına uyğun olaraq, Rusiya Federasiyası bir qrup rus hərbçisini geri qaytarıb.
"Operativ Məlumat Mərkəzi-OMM" xəbər verir ki, bununla bağlı TASS məlumat yayıb.
Bildirilib ki, bunun müqabilində eyni sayda ukraynalı hərbi əsir təhvil verilib,
Qeyd edək ki, İyunun 9-da Kiyev rejiminin nəzarətində olan ərazidən yaşı 25-dən az olan Rusiya hərbçilərinin birinci qrupu geri qaytarılıb.
Hazırda Rusiya hərbçiləri Belarus ərazisindədirlər və onlara lazımi psixoloji və tibbi yardım göstərilir. Bütün hərbi qulluqçular Rusiya Müdafiə Nazirliyinin tibb müəssisələrində müalicə və reabilitasiya üçün Rusiyaya təhvil veriləcək.
